| सांगली समाचार वृत्त |
मुंबई - दि. १८ मे २०२५
मुंबई आंतरराष्ट्रीय विमानतळ आणि ताजमहल पॅलेस हॉटेलला बॉम्बने उडवून देण्याची धमकी देण्यात आली आहे. एका अनोळखी ईमेलवरून विमानतळ पोलीस ठाण्याला हा धमकीचा ई-मेल आलेला आहे. धमकीचा हा मेल येताच मुंबई पोलीस यंत्रणा सतर्क झाली असून. खबरदारीचा उपाय म्हणून मुंबई विमानतळ आणि कुलाबा येथील ताजमहल पॅलेस हॉटेलबाहेर पोलिसांचा बंदोबस्त वाढवण्यात आला आहे.
आंतरराष्ट्रीय विमानतळ आणि ताजमहल पॅलेस हॉटेल पाईप बॉम्बनं उडवून देण्याची धमकी देण्यात आली, त्यनंतर शनिवारी सकाळी विमानतळ पोलीस ठाण्यात धमकीचा हा ई-मेल प्राप्त झाला. साल २००१ मध्ये दिल्लीतील संसद भवनावर झालेल्या हल्ल्याप्रकरणी फाशीची शिक्षा देण्यात आलेला दहशतवादी अफजल गुरू आणि सॅवक्कू शंकर यांना अन्यायकारकरित्या भारतानं फाशी दिल्याचा मेलमध्ये उल्लेख करण्यात आलेला आहे.
विमानतळ पोलीस ठाण्याचे वरिष्ठ पोलीस निरीक्षक मनोजकुमार माने यांनी दिलेल्या माहितीनुसार ईमेल आयडी वापरकर्त्याविरोधात मुंबई पोलिसांनी भारतीय न्याय संहिता कलम १२५, ३५१(१), (३) आणि (४) अंतर्गत गुन्हा दाखल करण्यात आला असून, पुढील तपास सुरू आहे.
