| सांगली समाचार वृत्त |
सांगली - दि. २६ मे २०२५
दक्षिण भारतातील जैन समाजाच्या संघटनात्मक क्षेत्रात सक्रीय असलेले भालचंद्र वीरेंद्र पाटील यांची पुन्हा एकदा अध्यक्षपदी मोठ्या बहुमताने निवड झाली आहे. सांगली येथे झालेल्या मध्यवर्ती कार्यकारी मंडळाच्या रविवारी पार पडलेल्या महत्त्वपूर्ण बैठकीत 72 सदस्यांपैकी 68 जणांनी एकमताने, हात उंचावून त्यांना पाठिंबा दिला.
या निवडीदरम्यान कर्नाटक विभागाचे प्रमुख आश्रयदाता ट्रस्टी अभिनंदन रावसाहेब पाटील यांनी अध्यक्षपदासाठी भालचंद्र पाटील यांचे नाव सुचविले. त्यास खजिनदार संजय शेटे यांनी पाठिंबा दिला. त्यानंतर उपस्थित सदस्यांनी संमती दर्शवून ही निवड अधिकृत केली. ही फेरनिवड 2025 ते 2028 या कालावधीसाठी लागू राहणार आहे.
या निवडणुकीत दुसऱ्या उमेदवार डी. ए. पाटील यांना केवळ चार मते मिळाली. सांगली येथील जैन बोर्डिंगमध्ये पार पडलेल्या या बैठकीस राज्यभरातील विविध शाखांचे चेअरमन आणि सचिव उपस्थित होते, ज्यांनी मतदान प्रक्रियेत सहभाग घेतला.
