| सांगली समाचार वृत्त |
मिरज - दि. ३० एप्रिल २०२५
सोलापूर येथे कत्तलीसाठी जनावरे नेत असलेल्या वाहनाचा गोरक्षकांच्या पाठलागादरम्यान अपघात झाल्याची धक्कादायक घटना सोमवारी पहाटे मिरजजवळील सावळी गावाजवळ तासगाव फाट्यावर घडली. या अपघातात पाच वासरांचा मृत्यू झाला असून ३१ वासरे जखमी झाली आहेत. वाहनचालक घटनास्थळावरून फरार झाला असून पोलिसांनी गुन्हा दाखल केला आहे.
प्राप्त माहितीनुसार, कर्नाटकातून बोलेरो पिकअप (MH 13 AN 5886) वाहनामार्फत जनावरे कत्तलीसाठी सोलापूरकडे नेली जात होती. या गोष्टीची माहिती मिळताच गोरक्षकांनी संबंधित वाहनाचा पाठलाग सुरू केला. पाठलाग टाळण्याच्या प्रयत्नात बोलेरो पिकअपने समोरून येणाऱ्या मालट्रकला (KA 27 B 7725) जोरदार धडक दिली. अपघात इतका भीषण होता की, बोलेरो पलटी झाली आणि गाडीत अぎाडीने भरलेली जनावरे जखमी झाली.
या घटनेत संकरित जातीच्या पाच वासरांचा जागीच मृत्यू झाला, तर ३१ वासरांना गंभीर दुखापत झाली. या वाहनात एकूण ३६ वासरेぎाटीने, तोंडावर चिकटपट्टी लावून व दोऱ्यांनी बांधून कोंबून ठेवलेली आढळून आली. त्यांना ना चारा दिला होता ना पाणी. शिवाय जनावरे वाहतूक करण्यासाठी आवश्यक त्या वैद्यकीय आणि कायदेशीर परवानग्यांचा अभाव होता.
सध्या पोलिसांनी सर्व जखमी वासरांना ताब्यात घेतले असून, चालकाविरोधात प्राण्यांवरील क्रूरता प्रतिबंधक कायद्यानुसार मिरज ग्रामीण पोलीस ठाण्यात गुन्हा दाखल करण्यात आला आहे. पुढील तपास सुरू आहे.
