| सांगली समाचार वृत्त |
सांगली - दि. १९ जुलै २०२४
गायत्री परिवार ट्रस्टच्या सदस्यांनी नुकतीच कर्मवीर भाऊराव पाटील नागरी सहकारी पतसंस्थेच्या सभेच्या भेट दिली. यावेळी कर्मवीर पतसंस्था आणि कर्मवीर चॅरिटेबल ट्रस्ट सांगली या दोन्ही संस्थांच्या कार्याची माहिती देण्यात आली. तर गायत्री परिवाराची माहिती देताना मनोहर सारडा म्हणाले की, गेली 25 वर्षे गायत्री परिवार गोशाळा चालवीत आहे. त्यासाठी तसेच अन्य कार्यासाठी एक प्रशस्त इमारत बांधण्याचा आमचा संकल्प आहे. या दोन्ही संस्था समाजासाठी चांगले योगदान देत आहेत, असे सांगून सारडा यांनी कर्मवीर पतसंस्थेचे आर्थिक क्षेत्रातील तर कर्मवीर चॅरिटेबल ट्रस्टचे सामाजिक, शैक्षणिक, आरोग्य, क्रीडा क्षेत्रासाठी भरीव योगदान असल्याचे सांगून या कार्याची प्रशंसा केली.
. यावेळी गायत्री परिवाराच्या कार्यास कर्मवीर पतसंस्थेचे चेअरमन रावसाहेब जिंकून पाटील तर कर्मवीर ट्रस्टचे अध्यक्ष एके चौगुले (नाना) यांच्या हस्ते कर्मवीर चारिटेबल ट्रस्टच्या वतीने एक लाख रुपयाचा निधी परिवाराच्या सदस्यांकडे सुपूर्त करण्यात आला. गायत्री परिवाराच्या वतीने रावसाहेब पाटील यांचा ह्रद्य सत्कार करण्यात आला.
. यावेळी गायत्री परिवाराचे सदस्य उद्योजक मनोहर सारडा, निवृत्त बँक अधिकारी आर बी पाटील, तेली समाज प्रदेशाध्यक्ष विजय संकपाळ, प्रमोद लाड, सावकार शिराळे, कापड व्यापारी पापालाल सारडा गोपाळ सारडा आदी मान्यवर उपस्थित होते. तर कर्मवीर पतसंस्थेचे व्हाईस चेअरमन डॉ. अशोक अण्णा सगळे, संचालक ॲड. एस पी मगदूम, डॉ. रमेश ढबू, वसंतराव नवले, डॉ. एस बी पाटील, (मोटके), डॉ. चेतन पाटील, श्रीमती भारतीय चोपडे, तज्ञ संचालक नरेंद्र खाडे, आणि मुख्य कार्यकारी अधिकारी अनिल मगदूम हे उपस्थित होते.
