| सांगली समाचार वृत्त |
सांगली - बुधवार दि. १६ जुलै २०२५
१२६ वर्षांची सामाजिक सेवा परंपरा लाभलेल्या दक्षिण भारत जैन सभा या प्रतिष्ठित संस्थेचे १०३ वे त्रैवार्षिक अधिवेशन यंदा २० व २१ जुलै २०२५ रोजी हारूगेरी (ता. रायबाग, जि. बेळगावी) येथील श्री आदिनाथ समुदाय भवनात संपन्न होणार आहे. या अधिवेशनाचे अध्यक्षपद सभेचे विद्यमान अध्यक्ष श्री. भालचंद्र पाटील भूषवतील, तर स्वागताध्यक्षपदी युवा सहकार नेते श्री. उत्तम रावसाहेब पाटील यांची निवड झाली आहे.
या भव्य सोहळ्याला कर्नाटक राज्याचे सार्वजनिक बांधकाम मंत्री नामदार श्री. सतिश जारकीहोळी व नियोजन आणि सांख्यिकी मंत्री नाम. डी. सुधाकर प्रमुख पाहुणे म्हणून उपस्थित राहतील. याशिवाय डॉ. प्रभाकर कोरे, लक्ष्मण सवदी, महेंद्र तमण्णावर, राजेंद्र पाटील यड्रावकर, अभय पाटील, प्रियांका जारकीहोळी, प्रकाश हुक्केरी, शशिकला जोले, दुर्योधन ऐहोळे, गणेश हुक्केरी, निखिल कत्ती, लखन जारकीहोळी, चन्नराज हट्टीहोळी अशा अनेक राजकीय व सामाजिक क्षेत्रातील मान्यवरांची उपस्थिती लाभणार आहे.
उद्घाटन समारंभ
२० जुलै रोजी सकाळी ९ ते १० दरम्यान अधिवेशनाचा शुभारंभ प.पू. स्वस्तिश्री जिनसेन भट्टारक (नांदणी मठ) व प.पू. लक्ष्मीसेन भट्टारक (कोल्हापूर मठ) यांच्या पावन उपस्थितीत होणार आहे. डी. सी. सदलगे यांच्या हस्ते धर्मध्वजारोहण, जिन्नाप्पाण्णा अस्की यांच्या हस्ते श्रावकरत्न नगर उद्घाटन, तसेच इरगौडा धुळगौडा पाटील यांच्या हस्ते शांतिपीठ उद्घाटन होईल. प्रमुख समारंभाचे दीपप्रज्वलन डॉ. महावीर दानिगोंड करतील.
महिला व युवा विभागांचे सत्र
जैन महिला परिषद, वीर महिला मंडळ, वीर सेवा दल व पदवीधर संघटना यांच्या स्वतंत्र अधिवेशने रविवारच्या दिवशी विविध वेळांमध्ये आयोजित करण्यात आली आहेत.
पुरस्कार वितरण व स्मरणिका प्रकाशन
२१ जुलै रोजी सकाळी ९.३० वाजता पुरस्कार वितरण सोहळा आयोजित केला असून यामध्ये विविध क्षेत्रातील २३ मान्यवरांना गौरविण्यात येणार आहे.
त्यातील काही ठळक पुरस्कार:
- डॉ. कर्मवीर भा. पाटील शिक्षण सेवा पुरस्कार – श्री. भिमगोंडा व. कर्नवाडी
- श्रावकरत्न जीवनगौरव पुरस्कार – श्री. सुरेश भूपाल बहिरशेट
- समाजसेवा पुरस्कार – श्री. विजय कोगनोळे व क. एकंद
- आदर्श संस्था पुरस्कार – श्री महावीर मल्टिपर्पज क्रेडिट सौहार्द सहकारी संस्था
- दीपप्रज्वलन डॉ. प्रभाकर कोरे यांच्या हस्ते, स्मरणिका प्रकाशन लक्ष्मण सवदी व महेंद्र तमण्णावर यांच्या हस्ते होईल.
सर्वसाधारण सभा व समारोप
दुपारी २ वाजता संस्थेची वार्षिक सर्वसाधारण सभा आयोजित करण्यात आली आहे. या दिवशीही अध्यक्षपदावर श्री. भालचंद्र पाटील असतील.
अधिवेशनाचे विशेष महत्त्व
हारूगेरी परिसरात प्रथमच इतक्या भव्य स्वरूपात जैन समाजाचे अधिवेशन होत असून कर्नाटक व महाराष्ट्रातील विविध जिल्ह्यांतील जैन बंधू भगिनी मोठ्या संख्येने सहभागी होणार आहेत. यानिमित्ताने समाजाच्या सांस्कृतिक व सामाजिक बंधनांची नवी पायाभरणी होणार आहे.
अधिवेशन आयोजन मंडळ
अधिवेशनाच्या यशस्वी आयोजनासाठी चेअरमन रावसाहेब जि. पाटील, व्हा. चेअरमन माधव डोर्ले, मुख्यमहामंत्री डॉ. अजित पाटील, खजिनदार संजय शेटे, सहखजिनदार अरविंद मजलेकर, ट्रस्टी अभिनंदन रावसाहेब पाटील यांचे योगदान मोलाचे आहे.
