फोटो सौजन्य - ॲग्रो वन
| सांगली समाचार वृत्त |
सांगली - दि. ५ फेब्रुवारी २०२५
शेतकऱ्यांना विविध सरकारी योजनांचा लाभ अधिक सुलभतेने मिळावा यासाठी केंद्र सरकारने 'ॲग्रीस्टॅक' योजनेअंतर्गत शेतकरी ओळख क्रमांक देण्याची प्रक्रिया सुरू केली आहे. सांगली जिल्ह्यातील सुमारे ९ लाख २२ हजार ८९३ शेतकऱ्यांची नोंदणी करण्यासाठी कृषी विभागाने मोहिम राबवण्यास सुरुवात केली आहे.
डिजिटल कृषी व्यवस्थेकडे वाटचाल
केंद्र सरकारने कृषी क्षेत्राच्या डिजिटल परिवर्तनासाठी 'ॲग्रीस्टॅक' उपक्रम हाती घेतला आहे. या योजनेत सहभागी होणाऱ्या शेतकऱ्यांना विशेष ओळख क्रमांक (Farmer ID) दिला जाणार आहे. ही नोंदणी नागरी सुविधा केंद्रांद्वारे (CSC Centers) उपलब्ध करून देण्यात येत आहे.
नोंदणी प्रक्रियेसाठी नियुक्त टीम
जिल्ह्यातील शेतकऱ्यांच्या नोंदणीसाठी ६५० पथके कार्यरत असून, तालुका आणि जिल्हास्तरीय मास्टर ट्रेनरची नियुक्ती करण्यात आली आहे. महसूल, कृषी आणि ग्रामविकास विभागाच्या सहकार्याने स्थानिक पातळीवर योजनेची अंमलबजावणी केली जात आहे.
ॲग्रीस्टॅक नोंदणीसाठी आवश्यक कागदपत्रे
आधार कार्ड
७/१२ उतारा
आधार क्रमांकाशी संलग्न मोबाइल नंबर
काही ई-सेवा केंद्र चालक घरबसल्या ऑनलाइन नोंदणीची सुविधा देखील पुरवत आहेत.
शेतकरी ओळख क्रमांकाचे फायदे
पीएम किसान योजनेचा लाभ
पीककर्ज सुलभता
नैसर्गिक आपत्तीतील नुकसानीसाठी त्वरित भरपाई
कृषी विषयक योजनांची माहिती सहज उपलब्धता
किसान कार्डसाठी नोंदणी सोपी होणार
शेतकरी नोंदणी पूर्ण झाल्यानंतर मोबाईल ॲपद्वारे त्यांच्या पिकांची माहिती देखील नोंदवली जाणार आहे, त्यामुळे योजनांचा लाभ अधिक जलद व अचूक पद्धतीने मिळण्यास मदत होणार आहे.
