सांगली समाचार - दि. २५|०२|२०२४
डोंबिवली - कल्याण रेल्वे स्टेशनजवळ एका बेवारस बॅगेमध्ये डीटोनेटर (स्फोटके) आढळून आल्याने एकच खळबळ उडाली होती. यांनतर डोंबिवली लोहमार्ग पोलिसांनी डोंबिवली, ठाकुर्ली, कोपर, अप्पर कोपर, जुचंद्र या रेल्वे स्थानकात पोलीस बंदोबस्त वाढविला आहे. रेल्वे स्थानकात संशयित व्यक्तींची बँग तपासणी सुरु असून हॅड डीक्टेटर मार्फतहि तपासणी सुरु आहे. रेल्वे स्थानक आणि रेल्वे प्रवासी सुरक्षा घेतली जात असून प्रवाशांनी सहकार्य करावे असे आवाहन रेल्वे पोलिसांकडून करण्यात आले आहे.
.jpg)
ठाणे रेल्वे पोलीस आयुक्त यांच्या आय अँड इयर संकल्पना नुसार डोंबिवली रेल्वे स्थानक वरिष्ठ पोलीस निरीक्षक किरण उंदरे यांच्या देखरेखीखाली पोलीस अधिकारी व पथक तपासणी करत आहेत. या संकल्पनेनुसार रेल्वे स्थानकातील सफाई कामगार, बूट पॉलीशवाले, पेपरवाले हे रेल्वे स्थानकातील हालचालीवर लक्ष ठेवून असतात. ३६५ दिवस २४ तास पोलिसांचा हा तिसरा डोळा रेल्वे स्थानकात काही संशयास्पद दिसल्यास पोलिसांनायाची माहिती पुरवितात. यामुळे पोलीस यंत्रणा सदर जागी तपासणी करतात. यात डॉग स्कॉटची मदत घेतली जात आहे. डोंबिवली रेल्वे स्थानक वरिष्ठ पोलीस निरीक्षक किरण उंदरे यांनी दिलेल्या माहितीनुसार ठाणे पोलीस आयुक्तांनी आय अँड इयर संकल्पनुसार डोंबिवली, ठाकुर्ली, कोपर, अपर कोपर, जुचंद्र या रेल्वे स्थानकात पोलीस बंदोबस्त वाढविण्यात आला आहे.
