| सांगली समाचार वृत्त |
सांगली - मंगळवार दि. १२ ऑगस्ट २०२५
सांगली जिल्ह्यात वाढत्या गुन्हेगारीला आळा घालण्यासाठी जिल्हा पोलिसांनी आता शास्त्रशुद्ध ‘रोडमॅप’ आखला आहे. पोलिस अधीक्षक संदीप घुगे यांच्या नेतृत्वाखाली सर्व ठाणे प्रभारी अधिकाऱ्यांची विशेष बैठक घेऊन कठोर सूचना देण्यात आल्या आहेत.
🔍 सातत्याने पाळत व गुप्त तपास
सक्रिय गुन्हेगारांच्या हालचालींवर २४ तास लक्ष
गोपनीय बातमीदारांचे जाळे अधिक मजबूत
कोम्बिंग ऑपरेशन्स आणि संशयितांची चौकशी मोहीम
कारागृहातून सुटलेल्या व्यक्तींवर गुप्त निरीक्षण
💊 नशामुक्ती मोहिमेचे राज्यभर कौतुक
गेल्या काही महिन्यांत जिल्हा पोलिसांनी अंमली पदार्थांविरोधात मोठी मोहीम छेडली.
कोट्यवधी रुपयांचे ड्रग्ज जप्त
आंतरराज्य तस्कर जेरबंद
ड्रग्ज कारखाने नेस्तनाबूत
ही मोहिम जिल्ह्यातील तरुणांना व्यसनमुक्त करण्यासाठी मोलाची ठरत असून, राज्यभर त्याची दखल घेतली जात आहे.
🛑 घरगुती वादांवरही पोलिसांचे लक्ष
गुन्ह्यांपैकी काही प्रकरणे घरगुती वादातूनच निर्माण होतात. अशा घटनांवर वेळीच नियंत्रण मिळवण्यासाठी विशेष टास्कफोर्स स्थापन करण्यात येत आहे. गावगुंड, दहशत माजवणारे प्रवृत्तीचे लोक आणि धमकीखोर टोळ्यांवर कठोर कारवाईचा मानस आहे.
📉 गुन्हेगारी आकडेवारीत घट
मागील वर्षाच्या तुलनेत यावर्षी गुन्ह्यांची नोंद कमी झाली आहे. जुने प्रलंबित गुन्हे त्वरीत न्यायालयात चार्जशीट करून दोषींना शिक्षा होण्यासाठी गती देण्याचे आदेश देण्यात आले आहेत. कारण, शिक्षा झाल्याने गुन्हेगारीवर आपोआप अंकुश बसतो, असे पोलिस अधीक्षक संदीप घुगे यांनी स्पष्ट केले.
🛡️ जिल्ह्यात गुन्हेगारीवर निर्णायक प्रहार
गुन्हे प्रकटीकरण शाखा व स्थानिक गुन्हे अन्वेषण पथकांना ठराविक लक्ष्य देऊन कारवाई सुरू आहे. पोलिसांचे उद्दिष्ट स्पष्ट आहे – “गुन्हेगारीला आळा, जिल्ह्यात शांतीचा नवा अध्याय!”
