फोटो सौजन्य - महाराष्ट्र देशा
| सांगली समाचार वृत्त |
सांगली - दि. ५ फेब्रुवारी २०२५
संत तुकाराम महाराजांचे अकरावे वंशज आणि प्रसिद्ध व्याख्याते ह.भ.प. शिरीष महाराज मोरे यांचे आज (५ फेब्रुवारी) त्यांच्या राहत्या घरी अकस्मात निधन झाले आहे. यामुळे त्यांचे सहकारी आणि अनुयायी यांच्यावर दुःखाचे सावट आले आहे.
हिंदुत्वाचे कट्टर समर्थक, राष्ट्रीय स्वयंसेवक संघाचे प्रचारक आणि शिवशंभो प्रतिष्ठानचे अध्यक्ष असलेले शिरीष महाराज मोरे यांच्या निधनाने त्यांच्या सहकाऱ्यांना मोठा धक्का बसला आहे. पोलीस तपासाच्या अनुसरणाने त्यांचे निधनाचे नेमके कारण समजले जाईल, असे त्यांच्या कुटुंबीयांनी सांगितले.
ह. भ. प. शिरीष महाराज मोरे यांचा शिवव्याख्याते म्हणून मोठा सन्मान होता. त्यांचा नुकताच विवाह ठरला होता आणि कुंकूमतिलक समारंभही आयोजित करण्यात आला होता. अशा स्थितीत त्यांचे अचानक निधन सर्वत्र शोकसंचार निर्माण झाले आहे.
ह. भ. प. शिरीष महाराज मोरे यांच्या हिंदुत्ववादी विचारशक्तीला विशेष महत्त्व होते. ते कायम हिंदू समाजावर होणाऱ्या अन्याय आणि अत्याचारावर आपली भूमिका स्पष्ट करीत असत. "ज्याच्या कपाळावर नाही टिळा, त्यांच्याकडून खरेदी करणे टाळा," असे त्यांचे आवाहन हिंदुत्ववादी दृष्टिकोनातून लोकांना जागरूक करीत होते.
